經過恆豐中心見到呢間掛滿波衫嘅餐廳，作為球迷嘅隊友見到覺得好盞鬼，就坐低試吓！估唔到呢度價錢都幾抵食，而且款式都OK多，仲有我最鍾意食嘅全日早餐！

美國黃油大雞扒飯😋😋😋😋😋最鍾意食澱粉質嘅隊友就揀咗呢個飯！去雞扒煎得好香口，塊皮仲煎到甘黃色脆卜卜咁真係好吸引！

全日早餐😋😋😋😋😋用咗3.6牛乳來炒蛋，果然夠晒滑，同一般炒蛋真係唔一樣㗎 ！食落都似蒸蛋咁Smooth，口感好好！脆煙豬腩片夠晒香口！加埋炒野菌茄汁燴豆夠晒豐富！德國腸脆皮鹹香夠惹味！仲配埋件多士真係夠晒飽夠晒抵食！

水牛城雞翼（4件）呢款水牛成辣辣地，仲帶少少酸辣，雞翼夠大隻啖啖肉好滋味！

鹹蛋黃雞翼（4件）超多鹹蛋黃醬，夠晒鹹香，配雞翼原來好夾！而且雞翼keep到好Juice，好味！

橘子白朱古力蛋芝士蛋糕🍰酸味味，質地像提拉米蘇般水水又creamy,橘子味食落好清新！

Lockeroom Express

地址: 佐敦彌敦道216-228號恒豐中心低層地下16號舖