超鍾意食鰻魚😍尤其係日式鰻魚甜甜地軟綿綿。今日又來鰻工房嘆個午餐先。

呢度有好多關於鰻魚嘅菜式，除咗鰻魚飯之外仲可以食鰻魚飯團，燒鰻魚串，鰻魚湯，穴子等等，係鰻魚迷一定要收藏嘅餐廳🔑

#蒲燒鰻魚丼 $98

次次來都鍾意食呢個，因為原條上，今日仲特價中更抵食😍好鍾意食呢度個飯有埋蛋絲，加埋鰻魚汁甜甜地好好味。我有加$30轉餐，包括有溫泉蛋，鹹菜，鰻魚肝白貝湯和玄米茶。最鍾意將溫泉蛋撈飯，呢度啲溫泉蛋超大隻😍而且夠晒蛋香，八貝湯養生又好飲，淡淡胡椒香味飲完個胃特別舒服😌

#燒鰻魚串 $28

燒鰻魚串同就咁鰻魚飯風味真係好唔同㗎！鰻魚串燒特別好味，連塊皮仲係脆嘅添啊！

#芝士和牛漢堡扒 $38

估唔到咁大塊的厚切漢堡扒只要38蚊就可以食到啦😍真係抵到飛起👍肉質夠晒淋，加埋火焰芝士味道自然無得輸啦！

野郎 Stone X 鰻工房

地址: 銅鑼灣渣甸坊48號采怡閣地下4號舖