近排雖然疫情好返啲，可以出去堂食，但屋企始終人多，有時爸爸媽媽想大家聚埋一齊食下飯，對而家呢個時勢黎講，都係好奢侈嘅諗法。

朋友早排屋企人聚會，叫咗 @feverfoodhk 覺得好滿意，就介紹我。
好方便呀😍😍只要IG 或者WhatsApp inbox佢哋，就可以落單，最快第二日就可以送到家，而且每個月都會更新Menu，有成百幾款食物選擇，小食、沙律、主菜、各類冷熱盤，甜品都有。

登登登登。。。。八大款食物準時送到屋企

✨蒲燒鰻魚玉子蛋意大利麵忌廉汁
～第一次食鰻魚同埋意大利粉嘅配搭，原來都幾夾喎，醬汁甜甜地，應該係有加鰻魚汁嚟整
✨北海道帆立貝野菌炒烏冬配木魚花
～目測都有十幾粒帆立貝，落足料👍，烏冬煮得啱啱好好，夠彈牙，唔會受焗住嘅影響😎
✨千島醬水蜜桃焗榖飼豬扒飯
～水蜜桃汁好香，一打開小朋友以為有Pizza添😆，豬扒仲有三大塊。
✨迷你海鮮釀蟹蓋
～有洋蔥粒甘筍粒，仲有啲椰菜蟹肉混合去釀，好特別，食完都唔係好夠喉，如果大隻啲就好了😆
✨森巴醬美國龍利柳配飛魚籽
～森巴醬係綠色嘅，有一陣清爽嘅香草🌿+牛油味，龍利魚柳非常滑溜，推介👍
芥末蜜糖烤原隻德國鹹豬手配自家醃製橄欖
～估唔到送到黎個皮都仲可以咁脆，應該係即叫即整👍
紅酒黑蒜雜菜燴牛尾
～紅酒味甜甜地香噴噴，反而覺得牛尾唔夠淋，可能個人喜好鍾意比較軟身嘅肉😆
我哋仲叫咗呢款✨鮮蝦繽紛士多啤梨雜果杯，成餐飯都係肉，配上呢個清爽嘅沙律杯，食落凍冰冰特別舒服

CP值極高❤️回頭率100%❤️❤️
唔洗爸爸媽媽大費周章落廚，輕輕鬆鬆喺屋企，大人細路又可以聚首一堂，大家都好開心😃