兩父女不停喺我面前放閃，我都係食嘢先😆😆

以前全家年年都會去一次日本，今年因為抗疫，已經差唔多一年幾冇去了！
睇黎老公都思鄉😎今晚book左一齊食日本野！

店舖裝飾都係木製嘅日式風格，夠晒格調！

❤️蒲燒鰻魚定食
採用日式傳統定食嘅擺法，用日式便當盒，裝住原條鰻魚和珍珠米日式飯，鰻魚汁係分開上嘅，方便每個人嘅口味，鍾意加幾多都得😊鰻魚燒得啱啱好，味道一流，但仲有改善嘅地方，就係如果再肥美啲就好了！

❤石燒霜降牛小排
️牛小排雪花分布均勻，在石板
上慢燒，啲牛嘅油汁咇晒出嚟，入口夠晒Juicy，推介！

❤️燒鰻魚玉子
見到呢款覺得好特別，結合左我鍾意鰻魚和玉子，上碟夠熱而且好嫩滑！

❤️炭燒茄子、炭燒牛舌串
令我諗起日本嘅端爐燒，真係好掛住！
牛舌串燒得好香，而且咬落有口感，唔會太老！
茄子係原條上，熱辣辣嘅茄子上面，佈滿非常多柴魚，Toby姐姐話好似係跳緊舞😂，而且唔會燒得太乾，燒汁分開上，可以自己控制濃度！

❤️菠蘿雪葩
飯後甜品一定唔少得！呢個絕對係心機之作，原個小菠蘿上，中間嘅雪葩，啖啖都係果肉，下次黎都一定要再order😍😍

#日本野 #日本餐廳 #日式刺身 #旺角 #蒲燒鰻魚定食 #石燒霜降牛小排 #燒鰻魚玉子 #甜蝦刺身 #炭燒茄子 #炭燒牛舌串 #菠蘿雪葩 #親子 #tobyhebymami