【美食】週末一家大小👪好去處

星期六同老公出開APM行街，黎到工廠大廈附近嘅呢間餐廳。大約7點到餐廳，一入問口就已經見到有個遊樂場，仲有好多著左韓服嘅小朋友🤣，真係好可愛。



Order 了「暑假遊學團套餐」$862 有月見和牛肩肉扒、蔬菜南瓜車、醬油五花肉、紅蝦、護心肉、單骨雞翼、韓牛前胸肉、炸雞翼薯條 + 梳打 $38/杯 （青檸 和 菠蘿）



本身個套餐名聽到都夠晒開心😆，放暑假喎！就連食物嘅做型都啱晒小朋友心意:有飛機、超級市場嘅trolley 、 而最值得一贊嘅係蔬菜南瓜車，將蔬菜瓜果吸出多個動物做型，真係又玩得又食得👍🏻


另外，佢地嘅韓式燒烤盤設計都非常方便，一直加熱著調味配料：芝士 和 泡菜撈蛋，可連同燒烤食物一齊食。

最好食嘅都係和牛肩肉扒😋😋 ，好簡單咁燒熟兩邊就食得，之後再剪到細細塊咁，燒得熟啲都唔怕硬。

韓牛前胸肉肉味濃郁，肉質係煙靭有口感但唔硬。

醬油五花肉超入味，本身都怕食肥豬肉，但經過燒烤後五花肉上嘅脂肪消失得七七八八，剩低嘅脂肪都係香脆易入口，直接連埋瘦肉部分一齊食都得。

前菜有沙律菜、辣椒蒜頭、芽菜、白紅蘿蔔、海滯和泡菜，除左沙律菜之外，其他前菜都無限添加，特別喜歡食佢地嘅泡菜，唔太辣，醃得好好食，更添加了多一碟。


好啱一家有細去食去玩嘅好地方。



📍炑八韓烤親子餐廳
觀塘鴻圖道90號2樓






@meokbang_kidzone
#炑八 #炑八韓烤 #Meokbangbbq #먹방 #韓國菜 #韓國餐廳 #韓國燒烤 #韓牛 #kid #kidzone #playground #韓烤 #playground #遊玩區 #親子 #親子餐廳