屬於🌟一月之星嘅我 終於有藉口食餐好🤩
自己一向都鍾情日本菜 貪佢精緻有水準得嚟又變化多端
今次特登預訂咗位於中環士丹利街嘅
❤️吟坐 炉端居酒屋🏮

點解揀呢度⁉️全因餐廳由 🇯🇵日本師傅主理
估唔到今次嘅體驗真係超乎預期🤩

一步入門口就見到餐廳正中央嘅大型開放式炭炉🔥 俾人感覺輕鬆又自在
師傅仲贈送每人一杯小酌🥃 同大家一同祝酒🥂
用餐氣氛非常熱鬧😍
今次好幸運可以坐喺餐廳嘅正中央
邊品嘗美食 邊觀賞師傅用心製作食物嘅過程
絕對係結合創造力與感官嘅藝術 令人胃口大開
廚師👨‍🍳會以長木槳將新鮮烤製嘅魚、海鮮🦀🦐、蔬菜🥒及肉類🥩直接遞俾客人
整個過程充滿互動🥰

❣️喜知次魚炉端燒
由🇯🇵日本直送到港 屬日本三大珍稀魚之一
由於喜知次魚油脂豐富、肉質細嫩
簡單以鹽烤🔥 味道就已經滿分💯
皮燒得超級香脆 魚肉入口即化、鮮甜細滑 😋
✔️必點之選 誠意推介💕俾大家

❣️牛舌
份量充足 薄切牛舌口感軟嫩又帶點嚼勁
牛舌粉絲不容錯過

❣️五品刺身盛合
款款都係新鮮厚切 最重要係價錢親民
一百蚊左右就可以一次過嘆晒5款新鮮嘅刺身

❣️炭燒🔥黑毛和牛🥩
牛花分布平均 外層炭燒過嘅和牛🥩帶熏香
內裏肉質仍然保持粉嫩又夠juicy
配上面層嘅流心蛋黃一同進食 倍添滋味🤤

仲試咗【吟坐】名物
❣️原隻燒雞腿🍗
外層嘅雞皮燒得金黃香脆可口 正宗皮脆肉嫩
今次真係連皮都食埋😋

❣️厚炸豆腐
看似簡單嘅菜色 其實非常考究
外層燒得薄脆香口 內裏鮮嫩軟滑
口感豐富 層次分明

❣️蘆筍
燒過之後特別鮮甜 口感爽脆 🌱健康之選

❣️飯團🍙
熱辣辣飯團外層燒得勁香脆 帶點飯焦嘅口感
無飯🍚不歡嘅朋友仔一定唔可以錯過🤭

❣️味噌法式燉蛋🍮
呢個係師傅獨家創作嘅口味
估唔味噌同法式燉蛋🍮嘅味道配搭得宜
鹹鹹甜甜 令人回味無窮😍

❣️柚子雪糕
味道清新🌱 有助解膩

飲品我哋點咗
❣️柚子蜜梳打🍹
❣️沖繩香檸可爾必思梳打
味道酸酸甜甜 解膩又開胃

吟坐炉端居酒屋🏮
無論係食物嘅味道同賣相、餐廳環境
甚至乎服務都同樣無得彈 💯ichiban 👍
即使餐牌食物選擇多 款款都有一定嘅水準
抵讚👏
即使係三五知己暢聚或情侶享受二人世界都一樣適合😉

🎀溫馨提示🔔
今次閒日晚上用餐🍽️ 眼見座無虛席😮
就知道餐廳備受青睞 😍
想品嘗正宗日本🇯🇵風味 記得提前預訂📲

#吟坐炉端居酒屋 #中環 #中環美食 #香港美食 #香港日本菜 #香港餐廳 #香港美食推介

@ginza_robatayaki