我同老公都好鍾意食生蠔🦪！鍾意食生蠔嘅人真係有鋪蠔癮😂之前我哋鍾意去蠔bar買箱返屋企即開即食夠新鮮。後來俾我哋發現旺角呢度平民扒房啲豪都好新鮮好正，仲要好抵食CP值極高！從此就keep住嚟呢度開蠔餐😋

是日推介生蠔12隻😋😋😋😋😋雖然我無深究到呢隻生蠔係咩品種，但係食落真係好鮮甜好肥美！咁就已經足夠啦！蠔身軟綿綿，食落唔係雪到硬晒嗰啲，蠔味夠、清甜中略帶海水味，加上檸檬汁倍覺清新，加埋特製醬汁辣辣地，更顯鮮甜！唔怪之得張張枱都有蠔嘅足跡👣😋

紐西蘭肉眼😋😋😋😋😋勁大塊勁厚肉嘅肉眼，足夠兩個人開心share😊而且鐵板上，生熟自己話事😍塊肉眼雖然無乜油花，但係食落完全唔會韌，仲好香肉味，加上鐵板高温幫手鎖住肉汁，所以食落特別Juicy潻！

蒜蓉白汁蜆意粉🍝😋😋😋😋😋大隻蜆夠晒鮮甜😻同意粉真係好夾！意粉嘅白汁質地輕盈卻能緊緊地掛在麵上，食落口感淡淡芝士香卻完全不覺得Heavy👍可能因為加咗蒜蓉和芹菜， 吃起來感覺好清新，so yummy!

最尾我哋仲嗌咗#石榴特飲 #雜莓乳酸 ，酸酸甜甜好滋味，飲完真係特別開胃㗎！



平民扒房

旺角通菜街1A-1L號威達商業大廈地下D號舖